MAGAZINË /

Përplasja Mbappe-Deschamps në kulm, ylli i Realit nuk dëshiron të luajë më për Francën

Shkruar nga Versus

Përplasja Mbappe-Deschamps në kulm, ylli i Realit nuk dëshiron

Kylian Mbappe duket se nuk ka ndonjë dëshirë për të luajtur më për Francën, pasi raporti i yllit të Real Madridit me Didier Deschamps duket se është përkeqësuar.

Përjashtimi i Mbappes nga kombëtarja e Francës për herë të dytë radhazi ka ngritur thashetheme për të ardhmen e tij me ‘Gjelat’.

Sipas gazetarit Romain Molina, vendimi i tij është ndikuar nga tensionet e vazhdueshme mes tij dhe Deschamps, prandaj sulmuesi francez ka vendosur që të mos rikthehet në Clairefontaine pasi raporti i tij me trajnerin është ‘i brishtë’.

Duke adresuar vendimin e tij, Deschamps ofroi detaje të limituara, por bëri me dije se ai e ka marrë këtë vendim pas një bisede me Mbappen.

“Unë kisha disa biseda me të. Mendova rreth kësaj dhe e mora vendimin. Mendoj se është më mirë kështu”.

“Nuk do të argumentoj. Çfarë mund të iu them juve janë dy gjëra: Kylian deshi që të vija dhe nuk ka të bëjë me ndonjë arsye jashtë futbollit”, ka thënë Deschamps.

Megjithatë, raportimet nga mediat franceze sugjerojnë të kundërtën, pasi besohet se Mbappe mund të hezitojë ta përfaqësojë sërish Francën në rast se situata me trajnerin nuk ndryshon së shpejti.

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: