Dy ditë më parë, gjykata e Fierit, dënoi me 1 vit burg këngëtarin Luiz Ejlli për falsifikimin e dokumenteve me qëllim që një i dënuar për prostitucion në Itali të mund të jusifikonte pasurinë e tij të sekuestruar nga Prokuroria e Lushnjës.
Fituesi i edicionit të dytë të Big Brother VIP, ka reaguar së fundmi ,por jo mbi dënimin. Në një postim të bërë në rrjetin social ‘instagram” ai i është përgjigjur një artikulli të shkruar nga “Panorama.al” duke ironizuar titullin ku thuhej se për shkak të dënimit, këngëtarit i ishin anuluar të gjithë koncertet.
“Se u shkatërrua Prestige në Golem, nuk do të thotë se u shkatërrova edhe unë. Aq shumë koncerte kam sa po mendoj ta blej që të bëhem pronar i Panoramës thjesht për t’i vënë flakën që mos të dalë më në treg”- shkruan këngëtari, i dënuar tashmë me 1 vit burg për një vepër penale të kryer gjatë kohës kur ishte noter. Versus.al
