Kanye West bëri postimin e tij të parë në rrjete sociale, pas zërave në lidhje me divorcin nga Bianca Sensori.
Reperi 47-vjeçar ka shpërndarë një foto në rrjetet sociale duke shkruar “detyrim” një orë pasi u bë publik lajmi për ndarjen e tij.
Në mbishkrimin e postimit të tij, West shkroi: " Po, detyrimi është i paligjshme". Detyrimi është akt kur detyron dikë të bëjë diçka kundër vullnetit të tij nëpërmjet kërcënimeve ose frikësimit. Mund të përfshijë dhunë fizike, abuzim psikologjik, shantazh, kërcënime ose sulm seksual . Megjithatë, pak minuta më vonë, postimi u fshi.
West dhe Sensory thuhet se janë në proces divorci vetëm 11 ditë pas incidentit provokues të 30-vjeçares në tapetin e kuq të Grammy . Sigurisht, pika kryesore ishte shpërthimi antisemitik i reperit në X.
Dyshja thuhet se ka arritur një marrëveshje verbale, sipas së cilës Sensory do të marrë 5 milionë dollarë kompensim pas martesës së tyre të shkurtër, e cila filloi në dhjetor 2022.
Një burim pranë reperit konfirmoi se çifti tashmë është ndarë dhe se pritet të depozitohen dokumentet ligjore për zgjidhjen e martesës zyrtarisht në ditët në vijim.
Sensory thuhet se po qëndron përkohësisht në vilën e tyre në Beverly Park North në Los Angeles, me vlerë 35 milionë dollarë. Vendndodhja e West mbetet e panjohur, megjithëse ka raporte se ai mund të jetë kthyer në Tokio, Japoni, ku kaloi pjesën më të madhe të vitit të kaluar duke qëndruar në një hotel./Versus.al
