Kylian Mbappe nuk do të udhëtojë drejt Amerikës së Veriut me pjesën tjetër të skuadrës së Real Madridit.
Kampionët në fuqi të Spanjës dhe Evropës do të kalojnë Atlantikun për udhëtimin e tyre më 28 korrik, ku do të angazhohen në ndeshje miqësore kundër Milanit, Barcelonës dhe Chelseat.
Megjithatë sipas TheAthletic, galaktiko i tyre i fundit Mbappe nuk do të jetë pjesë e udhëtimit dhe në vend të kësaj do të fillojë stërvitjen e tij parasezonale së bashku me shokët e tij të rinj të skuadrës nga 7 gushti.
Mbappe ishte përfshirë me kombëtaren franceze në Kampionatin Evropian dhe për këtë arsye nuk pati një mundësi për të marrë një pushim.
Dhe pas daljes së Francës nga Euro 2024 në fazën gjysmëfinale kundër Spanjës më 9 korrik, Mbappe, Carlo Ancelotti dhe drejtuesit e Real Madrid kanë vendosur së bashku një periudhë pushimi dhe rikuperimi për sulmuesin.
Pritet që sulmuesi tani të nisë një pushim për t'u çlodhur përpara se të kthehet në fushë në javën e parë të gushtit.
Në konferencën e tij hyrëse për shtyp si lojtar i Real Madridit, Mbappe zbuloi se ai është gati të bashkohet me skuadrën e Ancelottit , por do të pajtohet me vendimet e klubit në lidhje me pjesëmarrjen e tij në aktivitetet parasezonale.
“Nëse klubi dëshiron që unë të shkoj, unë do të shkoj”, u tha ai gazetarëve.
Real Madrid synon të sinkronizojë rikthimin e Mbappes në stërvitje me bashkatdhetarët e tij nga kombëtarja franceze, duke përfshirë Ferland Mendy, Aurelien Tchouameni dhe Eduardo Camavinga.
Besohet se klubi dëshiron që Mbappe të debutojë në ndeshjen e Superkupës së Evropës kundër Atalantës, të planifikuar për 14 gusht në Varshavë të Polonisë.
