Klea Prenga ka reaguar, pas intervistës së Antonela Berishës në emisionin "Goca dhe Gra" në TopChannel.
Gjatë intervistës, Antonela shprehu dëshirën për të kërkuar falje, por nuk e përmendi në asnjë rast Klea Prengën, ndaj së cilës ka bërë aktin e papranueshëm.
Përmes një postimi në rrjete sociale, Klea u shpreh se askush nuk i ka kërkuar ndonjëherë falje apo kompensim për veprimet e tyre. Ajo theksoi gjithashtu se, edhe nëse ndonjëherë dikush vendos të kërkojë falje, ajo nuk ka ndërmend ta pranojë. Kjo deklaratë e saj konfirmon vendosmërinë për të mos toleruar asnjë formë të dëmshpërblimit nga ata që e kanë lënduar.
''Dua të sqaroj publikisht se në asnjë moment askush nuk ka tentuar të më dëmshpërblejë apo të kërkojë falje për atë që ka bërë. As nuk do ta pranoj ndonjëherë dëmshpërblimin dhe faljen. E vetmja gjë që janë përpjekur të bëjnë është të manipulojnë opinionin publik me gënjeshtra. E vërteta është aty, e qartë dhe e pakundërshtueshme. Për më tepër, të dyja pohimet ishin të gatshme të kryenin. Foto e mëposhtme janë shkëputur nga adresat e tyre ku guxojnë të pohojnë që do ta kryejnë sulmin përsëri. Njëra komenton që herën tjetër kur të sulmoj do të thërrasë dhe komentuesen, ndërsa tjetra pëlqen komentin me fjalorin banal. Tani nxirrini prapë në emisione të tjera se ju shisni dhe shpirtin për klikime. (Ahh, dhe për kë mbështetje publike e kanë fjalën, për adresat fake të hapura nga vetë ata që më sulmojnë prej muajsh mua dhe familjen time?) Vazhdoni përndjekjen.''/Versus.al
