Edicioni i katërt i Big Brother VIP Kosova mbylli spektaklin të premten, por dramat nuk kanë përfunduar pas kamerave.
Dy opinionistet e panelit, Leonora Jakupi dhe Olta Gixhari, kanë treguar një tension të hapur përmes rrjeteve sociale, duke fshirë njëra-tjetrën nga lista e ndjekësve në Instagram.
Në fillim të sezonit, dyshja dukej e pandashme dhe shpesh shfaqej bashkë në hotele, duke krijuar idenë e një miqësie të fortë. Por me kalimin e javëve, tensioni i fshehur u bë i dukshëm për shikuesit më të vëmendshëm.
Ky “unfollow” i dyanshëm sinjalizon për mospajtime të fshehta dhe një “luftë të ftohtë” që dy opinionistet duket se po e menaxhojnë larg syrit të publikut. Për Olta Gixharin, situata nuk është e panjohur, pasi edhe në edicionin e tretë kishte pasur konflikte të ngjashme me kolegë të panelit.
Mbetet për t’u parë nëse ndonjëra prej vajzave do të flasë publikisht dhe do të zbulojë arsyet e vërteta të tensionit që nisi nga miqësia e fillimit të sezonit./Versus.al
