Një gafë e çuditshme ka ndezur teoritë e konspiracionit në internet rreth fluturimit të Katy Perry dhe 5 grave të tjera përfshirë dhe të fejuarën e Jef Bezzos në Hapësirë me Blu Origjinë.
Pasi kapsula e New Shepard u ul, themeluesi i Blue Origin, Jeff Bezos me krenari e hapi derën e kapsules me një mjet të specializuar për të përshëndetur ekuipazhin e përbërë nga femra.
Megjithatë pamjet nga vetëm disa minuta më parë tregojnë qartë se dera e kapsulës hapet nga brenda para se të mbyllet me nxitim.
Teoricienët e konspiracionit në internet kanë kapur këtë moment të çuditshëm, duke e përshëndetur atë si 'provë përfundimtare' që misioni ishte fals.
Ndërsa pretendimi se misioni ishte një mashtrim i përpunuar bëhet viral, ekspertët thonë se lëshimi i Blue Origin ishte një 'stuhi e përsosur' për teoritë e konspiracionit.
Dr Daniel Jolley, një ekspert në psikologjinë e konspiracioneve nga Universiteti i Nottinghamit , tha për MailOnline: "Hapësira është e gjerë, komplekse dhe kryesisht e paarritshme për shumicën e njerëzve - në këtë kontekst, bëhet më e lehtë për disa individë të vënë në dyshim narrativën zyrtare".
Arsyeja kryesore pse teoricientët e konspiracionit u kapën pas këtij detaji ishte arsyeja se kabina e cila kishte presion nuk duhet të kishte një derë që mund të hapet nga brenda dhe që aq më tepër nga pasagjerët.
Anijet tipike kozmike kanë dyer që hapen nga jashtë dhe kërkojnë një ekip teknikësh që punojnë nga jashtë për t'u zhbllokuar.
Për shembull, kushdo që shikonte kthimin e astronautëve të Nasa-s, Butch Wilmore dhe Suni williams, ka parë një ekuipazh inxhinierësh që punonin për minuta për të hapur kapakun e kapsulës së tyre SpaceX Creë Dragon.
Në rrjetin social X, një komentues shkroi: 'Nuk më duket si një kapak nën presion. Më shumë si një derë e dobët.'
Ndërsa një tjetër shkroi: 'Sigurisht që dyert me presion nuk hapen nga brenda. Kapsula duket sikur është një tendë e fryrë dhe e vetmja pamje që ata treguan ishte pjesa "pa peshë" që mund të arrini në një aeroplan.'
Por ky nuk ishte i vetmi detaj i uljes me të cilin kundërshtuan teoricienët online.
Në veçanti, shumë komentues u hutuan nga fakti se kapsula dukej pothuajse krejtësisht e pastër dhe e padëmtim pas uljes.
Një komentues shkroi: 'Udhëtimi ishte i falsifikuar. Përveç hapjes së derës së falsifikuar nga Overlord Bezos, boja në kapsulë nuk është djegur as pak nga rihyrja.'
Kapsula e ekuipazhit arriti një lartësi maksimale prej 66.5 miljesh (107 km) që i vendosi ato mbi Linjën Karman, kufiri zyrtar i hapësirës.
Në këtë lartësi, kapsula ishte ende brenda një atmosfere shumë të hollë dhe nuk ishte e ekspozuar ndaj vakumit të vërtetë të hapësirës, siç janë anijet që udhëtojnë drejt Stacionit Ndërkombëtar Hapësinor, shkruan Dailymail.
Kjo do të thotë se nuk është e nevojshme që New Shepard të ketë dyer me hapje të jashtme jashtëzakonisht të përforcuara si Crew Dragon.
Dhe, meqenëse mezi u largua nga atmosfera, kthimi i kapsulës nga Toka nuk krijon nxehtësinë e një djegieje tipike të rihyrjes që do të përvëlonte pjesën e jashtme./Versus.al
