Kylian Mbappe trembi Francën mbrëmjen e djeshme pasi doli i gjakosur nga fusha për shkak të një frakture që pësoi në hundë.
Duke qenë se sulmuesi theu hundën, u ngritën dyshime se do të mungonte në ndeshjet e tjera të grupit. Një gjë e tillë nuk do të ndodhë pasi Federata Franceze e Futbollit bëri me dije se ylli francez nuk do t’i nënshtrohet një ndërhyrje kirurgjikale por do të zbresë në fushë me një maskë.
“Kylian ka pësuar një frakturë në hundë. Është rikthyer në kampin bazë të skuadrës franceze. Do të marrë trajtimet e duhura, por nuk do të operohet menjëherë, do t’i vendoset një maskë për t’i dhënë mundësinë që të zbres në fushë”, thuhet në reagimin e Federatës Franceze.
Vetë Mbappe reagoi në Instagram ku u kërkonte ndjekësve të tij një këshillë mbi maskën që mund të përdorë në ndeshjet e ardhshme. Versus.al
