Roberto Mancini nuk do të jetë më trajner i Arabisë Saudite. Ish-kampioni i Europës me Italinë ka mbyllur kontratën me mirëkuptim pas rezultateve të dobëta me këtë kombëtare.
Gjatë drejtimit të tij, Arabia Saudite ka arritur vetëm një fitore në pesë ndeshjet e fundit dhe renditet e treta në Grupin C të kualifikimeve për Botërorin 2026.
Vendi synon të kualifikohet në Kupën e Botës që do të mbahet në SHBA, Meksikë dhe Kanada. Arabia Saudite gjithashtu do të jetë mikpritëse e Kupës së Botës në vitin 2034, ndërsa fondi i saj publik, PIF, ka investuar fuqishëm në futboll, përfshirë blerjen e klubit Neëcastle United në Premier League dhe investime në klubet saudite si Al Nassr, Al Hilal dhe Al Ittihad.
Lojtarë të famshëm si Cristiano Ronaldo, Karim Benzema, Neymar dhe të tjerë tashmë luajnë në këto klube saudite. Përveç kësaj, Mancini kishte shprehur shqetësimet e tij për ndikimin e strategjisë së transferimeve të Pro Ligës Saudite mbi lojtarët vendas, duke theksuar se përqindja e lojtarëve sauditë që luajnë rregullisht ka rënë ndjeshëm në krahasim me tre vite më parë.
Mancini braktisi kombëtaren italiane për paratë e arabëve, por nuk zgjati shumë dhe projekti i tij dështoi.
