Të nisësh një marrëdhënie mund të jetë e lehtë. Por ta mbash atë të shëndetshme, të ndershme dhe të sigurt është një sfidë që kërkon përkushtim, mirëkuptim dhe mbi të gjitha... ekuilibër. Marrëdhëniet janë një proces i vazhdueshëm marrje-dhënieje – dhe ndonjëherë, disa njerëz japin shumë më tepër nga sa marrin.
Ka individë që, për shkak të ndjeshmërisë së tyre, frikës nga vetmia apo thjesht sepse dashurojnë me gjithë qenien, i dorëzohen një marrëdhënieje pa rezerva. Ndonjëherë, pa marrë as edhe një pjesë të vogël të asaj që japin. Sipas astrologëve, disa shenja të horoskopit janë më të prirura ta bëjnë këtë. Jo sepse janë të dobëta, por sepse dashuria për ta është një zgjedhje e zemrës – pa kushte.
GAFORRJA – Kur zemra bëhet strehë
Gaforret janë shenja që dashurojnë me gjithë shpirtin. Ato kujdesen për detajet më të vogla – si mënyra si ti vendos jastëkun apo si e do kafen në mëngjes. Dashuria e një Gaforreje është si një batanije e ngrohtë që të mbështjell sa herë ke nevojë. Ato do të jenë aty në ditët e tua më të vështira, në heshtje, duke dhënë më shumë nga sa kanë.
Por kjo ndjeshmëri e lartë mund t’i fusë në marrëdhënie të pabalancuara, ku nuk marrin as gjysmën e asaj që japin. Në psikologji, kjo quhet “kurthi i empatisë” – një kurth emocional ku mirëkuptimi dhe ndjeshmëria e bëjnë personin më të prekshëm ndaj atyre që shfrytëzojnë. Gaforret nuk kërkojnë shumë, vetëm mirënjohje dhe butësi. Mund të qëndrojnë për një kohë të gjatë në një lidhje që nuk i përmbush, duke ushqyer iluzione, derisa një ditë thonë “mjaft”.
PESHORJA – Harmonia që shpesh ka një çmim
Peshoret janë paqedashësit e zodiakut. Ata i shmangen çdo lloj përplasjeje, edhe nëse kjo do të thotë të shtypin ndjenjat e tyre. Për hir të paqes, Peshorja është gati të pranojë gjithçka. Shpesh kërkojnë falje pa qenë realisht fajtorë, vetëm për të shmangur konfliktin.
Por kjo sjellje sjell lodhje emocionale dhe, paradoksalisht, çon në çekuilibër – pikërisht çfarë ata përpiqen të shmangin. Ata mund të bien në grackën e kënaqjes së tjetrit në çdo kusht, duke humbur zërin e tyre. Çelësi për Peshoret është të mësojnë se një mosmarrëveshje nuk është fundi i dashurisë – është pjesë e rritjes së saj.
PESHQIT – Romantikët që duan gjithçka, japin gjithçka
Kur dashurojnë, Peshqit dashurojnë me të gjitha ngjyrat e shpirtit. E idealizojnë lidhjen, partnerin, ndjenjën. Janë miqtë më të mirë, dashnorët më të përkushtuar, njerëzit që do të japin gjithçka për lumturinë e tjetrit. Por kjo e bën dashurinë e tyre edhe të rrezikshme – sepse shpesh harrojnë veten.
Peshqit ndiejnë thellë, dhe nëse partneri i tyre është i trishtuar apo i shqetësuar, ata vrapojnë ta “rregullojnë” gjithçka, edhe kur tjetri ka nevojë vetëm për hapësirë. Frika nga vetmia i bën të kapen fort pas lidhjes, edhe kur ajo i dëmton. Në fund, kjo përpjekje e vazhdueshme pa kthim çon në lodhje dhe zhgënjim.
Peshqit duhet të kujtojnë një gjë themelore: dhembshuria duhet të jetë reciproke. Askush nuk meriton të ndiejë se jep gjithçka dhe nuk merr asgjë.
