Klea Prenga, e cila u rrah brutalisht nga Antonela dhe Mariela Berisha ka bërë një reagim në Instastory, në të cilin ka falenderuar të gjithë mbështetësit e saj.
Modelja shprehu gjithashtu mirënjohje ndaj kujdesit dhe fjalëve inkurajuese që kishte marrë pas përjetimit të sulmit.
Klea i konsideroi këto të fundit si një forcë për të qëndruar optimiste në ditët e saj më të vështira.
Për rastin në fjalë, ka bërë një deklaratë edhe kreu i Policisë së Shtetit, Muhamet Rrumbullaku, ditën e djeshme ku ndër të tjera theksoi:
“Policia është angazhuar për kapjen e personave. Shumë shpejt do të keni njoftimin për kapjen e tyre”, tha kreu i policisë së Shtetit.
Agjentët e Komisariatit nr. 1 kanë kryer disa kontrolle në kërkim të të dyjave, por deri tani nuk janë gjetur. Ato akuzohen për plagosje të rëndë me dashje, kryer në bashkëpunim dhe rrezikojnë burg deri në 10 vjet.
Ngjarja skandaloze është raportuar në Tiranë rreth një javë më parë ku Antonela Berisha një personazh i njohur në botën e ekranit, pasi ka qenë më herët banore e spektaklit Big Brother VIP 1 dhe motra e saj Mariela Berisha dhunuan brutalisht 24 vjeçaren Klea Prenga në Tiranë.
Ato e masakruan në fytyrë duke i shkaktuar të prera me copëza qelqi, pasi sipas tyre supozohej se Klea Prenga kishte ndërhyrë në familjen e motrës së Antonelës.
/ Versus.al
