Ngjarja e rëndë ku Antonela dhe Mariela Berisha dhunuan Klea Prengën, pasi siç është shprehur kjo e fundit është akuzuar nga motrat se ka ndërhyrë në familje, ka shkaktuar shumë diskutime dhe polemika në rrjete sociale.

Dhe siç duket ngjarja e ka kaluar kufirin pasi ka ardhur dhe një reagim nga ish-banorja e Big Brother Kosovës, Juliana Nura.

Në një video të publikuar në Insta-story, ish-banorja duke i etiketuar motrat Berishës, budallica është shprehur se faji nuk është i të resë por i burrit që tradhëton gruan me një vajzë beqare.

Në video Juliana shprehet:

“Përshëndetje! Është e premte. Dua të ju uroj një fundjavë sa më të mirë. Për mua nuk ka rëndësi se punoj edhe gjatë fundjavës. Por, dua të them diçka në lidhje me rastin që paska ndodhur, ku Antonela dhe motra e saj e paskan kapur një vajzë që paska pasur lidhje me burrin e motrës së Antonelës. Oj budallica! Unë fal që po ju them kështu, por të gjithë jeni budallica. Fajin nuk e ka ajo që ka pasur lidhje me burrin, sepse nuk e ka ditur që ai është i martuar. Fajin e ka burri që tradhton gruan e tij me dikë që është beqare. Vajza është beqare, ajo nuk ka faj. Fajin e ka burri yt që është me unazë dhe ka një grua në shtëpi, që rrit fëmijën tuaj dhe ai shkon te dikush tjetër.

Kapeni burrin tuaj në shtëpi dhe përballuni me të, sepse kjo është e paarsyeshme. Merreni në gjyq, ndani pasurinë, bëni çfarë të doni, por mos fajësoni vajzën që është e pafajshme. Fajin e ka burri yt, prandaj përballuni me atë. Në fund, dua të them se më mirë është një ndarje me dhimbje të shkurtër sesa një dhimbje e pafund, që shpesh është martesa./Versus.al

Klea Prenga e reja që u dhunua barabarisht nga motrat Antonela dhe Mariela Berisha ka reaguar sërish në rrjete sociale për ngjarjen skandaloze të raportuar së fundmi.

Prenga shkruan në statusin e saj se akuzat e rënda dhe përmendja e emrave pa e ditur situatën janë të tepërta dhe të papërgjeshme.

Ajo shton më tej se personi që e sulmoi nuk ka burrë dhe as nuk i ka ndërhyrë në familje, por kjo situatë shton më tej ajo të kujton femrat me vetëbesim të ulët.

Postimi i Klea Prengës:

Akuza të rënda dhe përmendja e emrave pa e ditur situatën janë të tepërta dhe të papërgjegjshme. Kur dikush më sulmoi pa të drejtë, duke sjellë akuza të pabaza dhe duke ndërhyrë në jetën time, ndjeva që është e nevojshme të mbrohem. Personi që më sulmoi nuk ka burrë dhe as nuk i ka ndërhyrë dikush në familje. Megjithatë, kjo situatë më kujton se femrat me vetëbesim të ulët, shpesh besojnë se gjithçka mund të merret me forcë. Ato nuk arrijnë të kuptojnë se fuqia e vërtetë vjen nga qëndrimi me dinjitet, nga zgjedhja për të mos u ulur në të njëjtin nivel me ata që përhapin negativitet.

Është e rëndësishme të kuptojmë se sjellja e tyre reflekton më shumë për to sesa për ne. Njerëzit që sulmojnë të tjerët, shpeshherë e bëjnë këtë për të mbulur pasiguritë e tyre, për të shmangur reflektimin mbi problemet e veta. Ata që mendojnë se gjithçka merret me forcë, zakonisht janë ata që nuk kanë njohur asnjëherë fuqinë e komunikimit të hapur, të ndershëm dhe të respektueshëm.

Në vend që të lejoj që këto sulme të ndikojnë tek unë, unë zgjedh të qëndroj e fortë, e qetë dhe e vetëdijshme për vlerën time. Nuk ka nevojë të përfshihem në lojërat e tyre të vogla. Unë do të vazhdoj përpara me kokën lart, duke u përqëndruar tek vetja dhe njerëzit që më mbështesin, dhe duke mos lejuar që negativiteti të më rrëzojë./Versus.al

Statusi i Klea Prengës

Dy motrat Berisha dhe 24 vjeçarja e dhunuar prej tyre

Një ngjarje skandaloze u raportua së fundmi në Tiranë ku Antonela Berisha një personazh i njohur në botën e ekranit pasi ka qenë më herët banore e spektaklit Big Brother VIP 1 dhe motra e saj Mariela Berisha dyshohet se kanë dhunuar brutalisht 24 vjeçaren Klea Prenga në Tiranë.

Sipas detajeve të zbardhura nga një mesazh që i ka ardhur blogeres në numrin e saj, dyshohet se shkak për dhunimin e 24 vjeçares të jetë bërë një xhelozi nga ana e Mariela Berishës. Në mesazhin e dërguar ndaj të resë ku pranohet se Mariela Berisha kishte qenë autore kryesore e shpërfytyrimit të saj, paralajmërohet që herë tjetër Klea Prenga “të mos ndërhyjë në familje” duke lënë të dyshohet se kemi të bëjmë me një krim për xhelozi. Mariela Berisha mësohet të jetë në lidhje me biznesmenin Mir Pepa dhe dyshohet se ky i fundit ka qenë "molla e sherrit" që përfundoi në akt ekstrem. Versus.al

Mesazhi në telefonin e Klea Prengës

Dy motrat Antonela dhe Mariela Berisha (në mes blogerja e dhunuar, Klea Prengaj)

Ish-banorja e Big Brother VIP 1, Antonela Berisha dhe motra e saj Mariela Berisha janë shpallur në kërkim nga policia pasi dyshohet se kanë dhunuar brutalisht të blogeren Klea Prengaj mbrëmjen e së martës.

Ngjarja siç edhe influencerja në Instagram ka deklaruar, raportohet të ketë ndodhur në një lokal në Tiranë gjersa kjo e fundit po hante darkë. Sipas saj dy motrat e kanë goditur pas koke dhe më pas i kanë thyer shishen në fytyrë.

Rastin, Klea Prenga e denoncoi mbrëmjen e djeshme me anë të një postimi në instagram ku shihen qartë pasojat e rënda në fytyrën e saj pas dhunës së ushtruar nga dy motrat e shpallura në kërkim të cilat akuzohen për plagosje të rëndë. Nuk dihet ende pse ka ndodhur sherri por deri më tani dyshohet se bëhet fjalë për një zënkë xhelozie mes palëve. Në mesazhin e dërguar në telefonin e modeles Klea Prenga, kësaj të fundit i shkruajnë se u dhunua nga ana e Marielës dhe jo e Antonelës qartësisht duke lënë të kuptohet se bëhet fjalë për motive xhelozie. 

Antonela Berisha ka qenë pjesë e emisioneve Përputhen, Big Brother VIP1 në Top Channel dhe njihet në rrjet për deklaratat e saj të pazakonta mbi jetesën e shtrenjtë. Versus.al

Një vajzë e identifikuar me emrin Klea Prenga denoncon publikisht se është sulmuar teksa po darkonte në një restorant.

Në një postim në rrjete sociale ku shfaqet e prerë në fytyrë dhe e mbuluar në gjak, ajo pretendon se Antonela Berisha, ish-banorja e BBV1 dhe ish-konkurrentja e “Për’Puthen” dhe motra e saj, kanë porositur një person ta sulmojë teksa ndodhej në restortant ku siç tregon dikush i afrohet dhe e godet me gotë xhami.

E reja ndër të tjera tregon se motrat Berisha e kanë kërcënuar pasi sipas tyre ajo është futur në mes të familjes së Marielës. Ngjarja do të ndiqet në mënyrë ligjore.

Postimi i plotë:

Të martën, rreth orës 21:30, teksa isha duke ngrënë qetësisht në një restorant në Tiranë, u përballa me një sulm të papritur dhe të dhunshëm. Dikush më goditi nga pas dhe më theu një gotë në fytyrë ndërsa po haja. Dëmtimet janë të rënda dhe kam shpëtuar për një qime. Tronditja e asaj nate është e paimagjinueshme.

Sulmi u krye nga Mariela Berisha dhe Antonela Berisha. As ato dhe askush tjetër nuk mund ta shkatërrojë fytyrën dhe imazhin tim. Më vjen keq për to, sepse e tyrja është e shkatërruar me kohë. Nga anët tona as hasmi nuk goditet duke ngrënë. Po të ishe aq gangstere sa të duket vetja, do më kishe ardhur përballë.

Sa për mesazhin kërcënues që ke dërguar pasi ke kryer sulmin.Mua nuk ma prishin dot imazhin fundërrina si ju qe ju njeh e gjithë Shqipëria. Ti nuk ke familje vajzë e dashur që të të hyet në mes. Ti del e tregon përralla nëpër media për jetën tënde. Femra xheloze si puna juaj meritojnë të izolohen në një spital mendor, sepse as sulmet e juaja të dhunshme nuk do të mundin të më shkatërrojnë mua apo jetën time. Femra si puna juaj janë mësuar me jetën e rrugës dhe aq kapacitet keni sa të arrini në veprime të tilla jo njerëzore.

Por mua nuk ma prishni dot identitetin dhe vlerat e mia sepse vij nga një familje me vlera dhe integritet dhe asgjë nuk mund ta ndryshojë këtë. Do jua çjerr maskën shumë shpejt. Regjistrimet e kamerave janë në dorën e shtetit dhe do të publikohen së shpejti.

Jam mirënjohëse që jam ende këtu dhe se nuk përfundoi më keq. Policia po heton ngjarjen, dhe shpresoj që drejtësia të vihet në vend. Ky sulm nuk do të më ndalojë; përkundrazi, do të më bëjë më të fortë dhe më të vendosur./ Versus.al