Mounir Nsraoui, babai i yllit të Barcelonës dhe Spanjës, Lamine Yamal është goditur me thikë mbrëmjen e djeshme në një parking në Mataro, shkruan Gazeta spanjole La Vanguardia duke cituar burime zyrtare.
Sipas raportit të La Vanguardia, Nasraoui u dërgua në spitalin Can Ruti në qytetin e afërt të Badalona dhe gjendja e tij shëndetësore ishte e rëndë.
Ndonëse vlerësimi fillestar tregoi për një dëmtim të rëndë të babait të Yamal, i cili u dërgua në urgjencën e spitalit Can Ruti në Badalona, jeta e tij tani nuk është në rrezik dhe gjendja e tij është stabile pasi ai vazhdon të jetë i shtruar në spital.
Sipas informacioneve, policët që kanë marrë përsipër rastin kanë arrestuar tre persona “për tentativë vrasje”, pas deklaratave të dëshmitarëve okularë të sulmit.
Përleshja para sulmit
Edhe pse ende nuk është e qartë pse u sulmua babai i Yamal , mediat katalanase theksojnë se disa orë para incidentit të përgjakshëm ai ishte përfshirë në një përleshje teksa ecte me qenin e tij.
Sipas të njëjtave burime, disa persona i kanë hedhur ujë nga një ballkoni, për pasojë ka nisur një sherr mes Munirit dhe banorëve të pallatit, i cili ka përfunduar pas ndërhyrjes së punonjësve të policisë bashkiake që ndodheshin në zonë.
JUST IN ????:
— MARCA in English ???????? (@MARCAinENGLISH) August 14, 2024
Lamine Yamal’s dad was stabbed in a parking lot and has been hospitalized. Wishing him a speedy recovery and strength to Mounir. pic.twitter.com/JPMaQ4mlYA
JUST IN ????:
— MARCA in English ???????? (@MARCAinENGLISH) August 14, 2024
Lamine Yamal’s dad was stabbed in a parking lot and has been hospitalized. Wishing him a speedy recovery and strength to Mounir. pic.twitter.com/JPMaQ4mlYA
