Reperi Arkimed Lushaj-Stresi i cili u vetëdorëzua në stacionin policor të Pejës, të premten (1 nëntor) ku edhe u ndal për 48 orë, është liruar.
Lajmin e ka bërë të ditur vetë reperi në një story në Instagram, ku shkruante:
Sapo dola, shihemi sonte....”.
Mësohet se Stresi ka paguar një garanci prej 20 mijë Eurosh.
Të premten, prokuroria në Pejë i shqyrtoi masën e paraburgimit prej 48-orësh, duke qenë se reperi ishte vetë-dorëzuar në stacionin policor nën përfaqësimin e avokatit të tij.
Ai ishte shpallur në kërkim nga autoritetet e Kosovës pas sherrit të ndodhur në një lokal nate në këtë qytet, ku u dhunua personazhi i njohur në Tik Tok Medi Iseni.
Për ngjarjen u arrestua edhe këngëtari i njohur Noizy, si dhe Dj Crax, pjesë e grupit të Noizyt. Të dy ata kanë lënë qelitë./Versus.al
View this post on Instagram
