Anësori i Barcelonës, Lamine Yamal, e ka akuzuar Real Madridin për “vjedhje dhe ankesa” vetëm disa ditë para se të dy ekipet të takohen në El Clásico.
Adoleshenti talismanik rrallëherë është shmangur nga kritikat ndaj rivalëve më të ashpër të Barcelonës, duke u tallur me rekordin e dobët të Madridit në takimet e fundit midis dy ekipeve, dhe nuk mundi t’i rezistonte shansit për të rindezur zjarrin para ndeshjes së kësaj fundjave.
Duke u shfaqur në kanalin YouTube të "Kings League", Yamal u pyet për Real Madridin.
“Po, ata vjedhin, ankohen, bëjnë gjëra...” tha Yamal duke iu referuar polemikave të fundit që rrethojnë arbitrimin e La Liga-s, ku presidenti i Barcelonës, Joan Laporta, pretendoi se kishte një “dorë madrilene” të përfshirë në vendimmarrje.
Presidenti i La Liga-s, Javier Tebas, gjithashtu shënjestroi veprimet e Madridit në mbrojtje të ndeshjes së anuluar tani kundër Miamit.
Kur Yamalit iu kërkua të sqaronte pretendimin e tij se Madridi “vjedh”, superylli adoleshent thjesht ngriti supet me një buzëqeshje në fytyrë. “Se di, le ta shohim”, ishin fjalët e tij të cilat janë kritikuar nga figurat e madrilenëve duke i cilësuar si mungesë modestie. Versus.al
