Pas lajmit për dorëheqjen e tij, Benet Beci ka treguar se ai po vazhdon punën normalisht si kryetar i bashkisë së Shkodrës. Ai ka publikuar një video në kanalet e tij të komunikimit ku tregon se ka kryer inspektim në lidhje me pastrimin në kolektorin e Shkodrës.
I pyetur për lajmin mbi dorëheqjen e tij që po qarkullon në media, Beci është shprehur se ne vazhdojmë punën duke shtuar se kush do të merret me fjalë le të vazhdojë.
Ndërsa përsa i përket arsyes pse ai është paraqitur në SPAK, Beci u shpreh shkurt se ishte thirrur për të dhënë shpjegime.
“Ne vazhdojmë punën, sigurisht jam paraqitur për të dhënë shpjegime normalisht. Kush do të merret me llafe le të merret me llafe, mendoj se kryesorja është që ne të vazhdojmë investimet, punët. Shkodra nuk ka të ndalur në rrugën që ka marrë”, është shprehur kryebashkiaku i Shkodrës.
Vieë this post on Instagram
Ditën e djeshme në media qarkulloi lajmi se kryebashkiaku i Shkodrës, Benet Beci është vënë zyrtarisht nën akuzë nga SPAK dhe se shumë shpejt pritet dorëheqja e tij.
I menjëhershëm ishte reagimi i Becit ku ironizoi lajmin duke u shprehur se e kishte mbajtur sekret dorëheqjen sepse do të bëhet president i SHBA-ve me kërkesë të dy kandidatëve, Donald Trump dhe Kamala Harris.Versus.al
