Ish-deputeti i Partisë Demokratike, Ervin Salianji i është përgjigjur kreut të Grupit Parlamentar të PS-së Niko Peleshi, i cili kur u pyet nga gazetarët në lidhje me protestën e datës 7 tetor, tha se ajo po bëhet për të kundërshtuar një vendim të formës së prerë nga ana e Gjykatës.
Por në deklaratën e tij, Salianji shprehet se opozita po reagon ndaj padrejtësive që e prodhon kapja dhe përdorimi politik i gjykatave dhe se vendimet e padrejta historia njeh me simbole të mëdha, duke përmendur emra si Mandela, Mater Luter King dhe Gandin.
Më pas Salianji akuzon kreun e Grupit Parlamentar të PS-së për korrupsion duke shtuar se publiku kërkon të dijë ku janë hetimet për Peleshin, kur ai del në përgjimet në kohën kur drejtonte Bashkinë Korçë.
Deklarata e Ervin Salianjit:
Reagimi i Ervin Salianjit ndaj deklaratës së Niko Peleshit, nga kabina telefonike e burgut të Fierit dhënë avokatit
Po reagojmë ndaj padrejtësisë, që e prodhon kapja dhe përdorimi politik i gjykatave!
Vendime të padrejta historia njeh me simbole të mëdha! Edhe Mandela u gjykua nga Rivonia Trial dhe u burgos, Martin Luter King u gjykua nga gjykatat, edhe madje Gandi u gjykua e dënua nga gjykatat.
Ata që guxuan t’i dënojnë, nuk shpëtuan as nga drejtësia e njeriut as nga ajo e historisë.
Sot, Partia Demokratike proteston kundër kapjes dhe përdorimit të drejtësisë, çdo qytetar mund ta gjykojë vetë nëse i shërben kjo interesit qytetar!
I shërbejmë Shqipërisë duke denoncuar banditët e kriminele me pushtet, duke denoncuar këta që vjedhin e shkretojnë Shqiperinë?!
Niko Peleshi është përfitues, personalisht nga dy standartet e drejtësise. Kur Rama e flaku si ministër ju hapen disa hetime.
Pyetja është pse nuk u hetua plotësisht dhe të mbajë përgjegjësi Peleshi për helmet që futi me firmën e vetë kur ishte Minister Bujqësie, ndërkohë që ekspertët e fushës e kishin thënë fjalën e tyre që këto kimikate helmonin qytetarët!
Publiku do te dijë; ku janë hetimet për Peleshin, kur ai del në komunikime për korrupsion në kohën kur drejtonte Bashkinë Korçë?
Publiku do të dijë, a ka hetim për pronësitë e shumta të tij në Korçë?
Çfarë shkakton dëm per intersin publik, helmimi i qytetareve, korrupsioni dhe klientelizmi i Peleshit apo denoncimi im i një trafikanti droge i cili u shpëtua nga hetimi dhe dënimi i ri për trafik droge për shkak se u paketua brenda dites per ne Itali?!
Nese thënia e të vërtetave dhe denocnimet e mafies kane kosto, po marr persiper çdo kosto dhe izolimin e privimin e padrejtë të lirise dhe marrjen e mandatit të qytetareve, por ta harrojne se kjo do të ndalë të vërtetat.
E mos shesin më kumbullat e pangrënshme të propagandës, se gjoja nuk komentojë vendimet e gjykatave, këtë alibi ja ka shuar Rama, ishte ai që ne parlament e paralajmeroi në 3 seanca denimin tim politik. Ishte Rama vetë që dhe pas vendimit, i doli per zot denimit, duke I dhënë argumenta gjykatës që ende sot nuk po i shpall.
E verteta vonon por nuk harron!
Sot kreu i grupit Parlamentar të PS-së Niko Peleshi duke folur për dhunën në parlament u shpreh se ajo është e paprecedentë.
Peleshi shtoi më pas se nuk e kupton arsyen pse opozita duke shtruar pyetjen: Për cc’arsye po proteston për shkak të një vendimi të formës së prerë të një sistemi të pavarur nga qeveria?
Prononcimi i plotë i Peleshit për mediat:
Pyetje: Maxhoranca a do i hapi krahun opozitës në këtë situatë të trazuar tashmë?
Peleshi: Maxhoranca përgjigjet për sjelljen e vetë politike, ligjore, natyrisht për raportet e veta me institucionet kushtetusese siç është parlamenti dhe besoj se nuk është në diskutim maxhoranca për momentin, ne jemi në detyrë, jemi në kuvend, respektojmë kuvendin dhe bëjmë detyrën. Trazirat apo ngjarjet e fundit të pa hijshme për sjelljen politike në kuvend, besoj duhet të pyesni opozitën. Mua nuk më vjen mirë, nuk dua të bëj këtë ndarje ne dhe ata sepse në fund të fundit jemi koleg, nuk më vjen mirë jo për 20-24 po qoftë edhe për një deputet të jetë i përjashtuar ose sekretariati të ketë qenë i detyruar ta përjashtojë nga seanca, por jo çdo gjë është në dorën tonë.
Pyetje: Të 24 të përjashtuarit ishin aktiv, apo ishin më pak?
Peleshi: Me këtë nuk merret grupi parlamentar i Ps që unë drejtoj, është një çështje e strukturave të kuvendit, konkretisht sekretariatit për etikën, që merr në shqyrtim provat dhe merr vendim, nuk mund të pyetem unë për këtë. Unë ju thash personalisht, dhe grupit tonë nuk i intereson të ketë një seancë jo normale apo me përjashtime. Ne duam të kemi një seancë normale, me debat të fortë por brenda disa vijave të kuqe. I vetmi problem që shohim në politikën e këtyre viteve është kuptimi i vijave të kuqe. Të debatojmë, por jo të dalim përtej. Ajo që ndodhi ishte e pa precedent, por ne nuk duam ta kemi prezent dhunën në parlament dhe ta eskalojmë nga një krizë ndërpartiake tek tjetra. Këto janë mendimet tona jo vetëm personale por edhe të grupit parlamentar, nuk është dëshira jonë te ketë një parlament të pastabilizuar.
Pyetje: Protestat e të hënës, për qeveri teknik, a do jetë e gatshme maxhoranca për të pranuar kërkesat?
Peleshi: S’mund të komentoj çfarë vendos opozita, protesta është një element demokratik nuk është një erezi. Protesta e dhunshme pastaj është diçka tjetër, por unë nuk mund ta paragjykoj. Protesta është zgjedhja e tyre, kërkesat politike ata mund t’i formulojnë sipas orekseve politike të veta por unë nuk shikoj se ka ndonjë arsye që të vihet në diskutim qeveria. Për ç’arsye, për shkak të një vendimi të formës së prerë të një sistemi të pavarur nga qeveria? A po flasim pasi kemi kryer së bashku një reformë në drejtësi? E kemi votuar me 140 vota me duartrokitje. Tani të gjykojmë ne vendimet e gjykatave? Për këtë arsye të dali në protestë?/Versus.al
