Gjatë konferencës për shtyp ku foli mbi sulmin në Kosovë e deri tek ngjarjet në vend ku më e fundit ishte dosja e SPAK për bandën e Suel Çelës, kryedemokrati Sali Berisha paralajmëroi të reja edhe për dosjen e njohur si “Toyota Yaris”.
Berisha tha se bëhet fjalë për përfshirjen e politikanëve të lartë, ndërsa paralajmëroi se do të publikojë dokumentet që zotëron, të cilat sipas tij do të jenë “përvëluese”.
“Gjithçka disponon Sali Berisha, do të ua paraqesë ju. Po kam dokumente për politikanë të lartë, direkt të implikuar dhe unë do ti paraqes para jush. Unë ju thashë, sepse shumë e drejtë pyetja e shtruar. Pse e quan Skapin organizatë kriminale, është gjë shumë e rëndë, apo s’është. Nuk mund ta quaja kurrë nëse nuk do të kisha ato dokumente. Nuk shkon.
Kurse ai është kreu i një organizate kriminale se fle mbi to. Fle mbi to se e kanë kapur mat me Ymer Lalën, për arsye se Luftar Reçi e ka denoncuar Ymer Lalën për vrasje dhe zotëria e tij në 19 pyetje si ka bërë asnjë pyetje për vrasjen dhe e ka ekzauruar nga vrasja. Pra ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre”- tha ish-kryeministri. Versus.al
