POLITIKË /

“Im bir ishte me kancer”/ Rama rrëfen bisedat me mjeken: Gregu ishte në koma, nuk dihej nëse do kthehej apo jo, ajo më tregoi kishëzën

Përballë kryepeshkopit Joan, në podcastin “Flasim”, Rama ka rrëfyer ankthin që përjetoi vite më parë për jetën e të birit dhe faktin që mjekja e cila e trajtonte, lutej për shëndetin e pacientëve.

Shkruar nga Versus

“Im bir ishte me kancer”/ Rama rrëfen bisedat me mjeken: Gregu

Kryeministri Edi Rama ka ndarë me ndjekësit një moment shumë të vështirë të jetës së tij, kur i biri ishte në një situatë dramatike shëndetësore. Përballë kryepeshkopit Joan, në podcastin “Flasim”, Rama ka rrëfyer ankthin që përjetoi vite më parë për jetën e të birit dhe faktin që mjekja e cila e trajtonte, lutej për shëndetin e pacientëve.

“Më rikthehet një ngjarje e jetuar me mjeken që kuronte tim bir, i cili kaloi një moment mjaft dramatik me një kancer, edhe faktikisht gjërat shkuan aq keq sa u fut në një koma mjekësore famaceutike, edhe nuk dihej a do të kthehej apo jo. Isha me mjeken ndërsa djali ishte në koma dhe i them “Po tani?”
Më thotë “24 orët e para çdo lajm do të jetë një lajm i keq, urojmë që s'do kemi asnjë lajm”.

24 orët e para ishin tmerr, në çdo moment mund të ndodhë që të dalë dikush nga ajo zona e reanimacionit e të thotë…
Kur i thashë “Si vazhdon?”, ajo ngriti kokën dhe bëri me dorë…
I thashë ‘Çfarë po më tregon tavanin? Unë po flas me një shkencëtare, jo me një prift’.
Dhe më tha: Në këtë kat, (ishte kati i fëmijëve me kancer) unë kam parë gjëra që shkenca nuk m’i ka shpjeguar dot akoma.

Kishte një Kapelë spitali dhe ajo sillte njoftime që në x orë unë bashkë me ekipin do të lutemi për Gregun, ose edhe për fëmijë të tjerë.
I thashë ‘Çfarë është kjo histori që shkoni e luteni në Kapelë, çfarë lidhje ka kjo me terapinë?”
Më tha, “E kemi të nevojshme, ndihemi shumë mirë kur e bëjmë, marrim energji”. Ishte qartësisht një njeri që besonte.
Më thoshte “Quaje si të duash, unë di që ka mister dhe nga ajo zonë e misterit vijnë në këtë kat gjëra që nuk i parashikon dot, ose nuk i shpjegojmë dot më mbrapa”, tregoi Rama.

Tags:

rama greg

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: