Partia “Shqipëria Bëhet” i ka dërguar një kërkesë Komisionit të Ankimeve dhe Sanksioneve që të njohë dorëheqjet në bllok të kandidatëve në listën e mbyllur të 11 majit.
Me kërkesën e dërguar, partia e kryesuar nga Adriatik Lapaj ankimon vendimin e kreut të KQZ, Ilirjan Celibashi i cili tha se dorëheqje të tilla nuk pranohen pasi në rast të dorëheqjes më 11 maj të këtyre kandidatëve, atëherë partia s’do të mund të quhej më e regjistruar për zgjedhje.
Mandati i vetëm e koalicionit “Nisma Shqipëria Bëhet” që u sigurua në qarkun e Tiranës, i mbeti Kleana Xhuvelit, kushërirës së Adriatik Lapajt pas një “lufte” disa ditore mes këtij të fundit dhe Endri Shabanit sa i takon faktit se Zeqir Kordhoni, daja i Shabanit nuk pranonte të jepte dorëheqjen nga kandidimi në listën e mbyllur.
Kleana Xhuveli deklaroi për mediat se do të ushtrojë funksionin e deputetes derisa mandati t’i kalojë ligjërisht kushëririt të saj Adriatik Lapajt, kreut të “Shqipëria Bëhet”. Versus.al
