Kryetari i Partisë Demokratike, Sali Berisha ka reaguar për tragjedinë e ndodhur pasditen e sotme në Durrës ku 2 fëmijë pas përplasjes nga makina. Duke u shprehur ngushëllimet familjarwve, Berisha e cilësoi shoferin Nikoll Radaçi si “të përkëdhelurin e partisë” duke theksuar se ishte problematik për lagjen, por sërish nuk prekej.
“Një tragjedi e vertetë! Miq, 58 vjeçari Radaçi iu mori jetën në Durrës me makinë dy djemve, njëri 10 dhe tjetri 13 vjeçar dhe të tretin 8 vjeçar e dëmtoi rëndë dhe si monstër ai ja mbathi. I la në kthetrat e vdekjes. Nuk iu dha asnjë ndihmë. Autori është i njohur si i përkëdhelur i partisë së krimit, problematik për lagjen por imun e i paprekshëm. Fjalët nuk mjaftojnë për të shprehur dhimbjen dhe ngushëllimet më të ndjera familjeve të engjëjve viktima. Unë i lutem Zotit që shpirti i tyre të bëhet dritë dhe prindërit të gjejnë forcën për të përballuar këtë gjëmë të rëndë si dhe uroj shërim të shpejtë vogëlushit në spital. Kurse vrasësit të fëmijëve dhe mbrojtësve të tij ndëshkimin më të rëndë.”- shkruan Berisha. Versus.al
