Mes pyetjeve që iu drejtuan Ramës para nisjes së samitit të komunitetit politik europian në Kopenhagen ishte edhe ajo për “paqen” mes Shqipërisë dhe Azerbajxhanit.
Pyetja i referohej një ngatërrese të bërë disa herë nga presidenti i SHBA-ve, Donald Trump i cili ngatërronte emrin e Armenisë me Shqipërinë. Rama iu përgjigj me batutë pyetjes së gazetarit duke patur parasysh ngatërresën e Trump.
“Azerbajxhani dhe Shqipëria kanë tashmë një marrëveshje paqeje sepse ishim në luftë, tani jemi në paqe, fantastike!”- tha Rama me humor.
Ndërsa më tej lavdëroi rolin e SHBA-ve për t’i dhënë fund konfliktit prej dekadash mes Azerbajxhanit dhe Armenisë.
“Mendoj se është diçka fantastike sepse ka qenë në pritje për një kohë të konsiderueshme, ndodhi. Nën drejtimin e SHBA-ve dhe nxitjes së fundit nga presidenti i SHBA-ve sepse duhet t’i japim meritën që i takon”- tha Rama më tej. Versus.al
