Kryetarja e Kuvendit, Elisa Spiropali gjatë një konference të zhvilluar sot me kryetarët e grupeve parlamentare, propozoi emërtimin e dy prej sallave të mbledhjeve me emrat e dy ish-deputetëve Gert Bogdani dhe Bashkim Fino të cilët u ndanë nga jeta para kohe.
“Dëshiroj t’ju bëj me dije se kam vendosur që për të nderuar emrin dhe kontributin politik, shoqëror e parlamentar të dy personaliteteve të shquar, të ndarë nga jeta, dy sallave të mbledhjeve në mjediset e ndërtesës së sallës së seancave të Kuvendit, t’u vemë njerës emrin Bashkim Fino dhe tjetrës emrin Gerti Bogdani.
Bashkim Fino, ish-Kryeministër i Shqipërisë, ish-ministër dhe deputet i Kuvendit për 6 legjislatura, u nda nga jeta në detyrë, si deputet i Kuvendit. Gerti Bogdani, deputet i Kuvendit, për 2 legjislatura, u nda nga jeta në moshë të re. Besoj se kam mbështetjen tuaj dhe të deputetëve të Kuvendit”, u shpreh Spiropali.
Bashkim Fino ndërroi jetë më 29 mars të 2021 për shka ktë komplikacioneve që i shkaktoi virusi Covid-19. Ndërsa ish-deputeti demokrat Gert Bogdani ndërroi jetë më 18 shtator si pasojë e një arresti kardiak. Versus.al
