Teksa sot nisën punën 5 prej 11 komisioneve parlamentare, në komisionin për Burimet Natyrore dhe Infrastrukturën pati një moment të veçantë ku deputetja e PS, Silva Gjuzi u shfaq me foshnjën e saj në krahë.
Pas mbledhjes që bëri bujë, Gjuzi tha për mediat se djali i saj Blini është vetëm 38 ditësh dhe se do të vazhdojë ta marrë me vete.
“Patjetër që Blini ishte i mirëpritur dhe më vjen mirë që mirëkuptohet mëmësia në hapësirat e Kuvendit, si një detyrë që nuk e shkëpusim dot nga realitetin tonë.
Kishim disa çështje të rëndësishme për të diskutuar sot, Blini mori vëmendjen e tij aq sa duhej, e më pas vijuam dhe u fokusuam në mbledhje. Blini do vazhdojë të jetë më mua sepse është vetëm 38 ditësh. Deri sa të rritet dhe pak, do ia ‘delegoj nonës’”, tha ajo me humor. Versus.al
