Kryebashkiaku i Shkodrës Benet Beci është pritur sërish me protesta nga banorët e Postribës të cilët sot kujtojnë 78 vjetorin e Lëvizjes antikomuniste.
Ashtu si dhe vitin e kaluar edhe sot teksa vendoste kurora me lule pranë memorialit që ndodhet në njësinë administrative të Postribës, banorët i bënë thirrje kryebashkiakut të largohej.
‘Ik zhduku’ ,‘ Me atë farë fytyre që ke nuk duhet me ardh ti këtu me ne’ , 'Ikni komunistë! Mua ma kanë vrarë gjyshin, babën në burg! Unë nuk e dua respektin tuaj! Po na merrni në qafë!’- ishin disa nga thirrjet e banorëve teksa makina e Becit largohej.
‘Shqiptar jam edhe unë. Unë respektoj Shkodrën, ju respektoj juve!’- ishte përgjigjja që Beci iu dha banorëve para se të largohej.
Madje një banor i Postricës, i identifikuar si Besim Shaba shkoi dhe më larg duke hequr kurorat e vendosura nga Beci, ku u desht ndërhyrja e Policisë për ta shoqëruar më pas për në Komisariat, arrestim i denoncuar nga dega e Partisë Demokratike në Shkodër.
Ndërsa ish-kryetari i Bashkisë Shkodër, Bardh Spahia shkroi në rrjetin social Facebook se shoku Benet ishe aty i dërguar nga partia për të provokuar dhe përdhosur vuajtjet e popullit të Shkodrës, Postribës e Malësisë. /Versus.al
