Kryetari i Partisë Demokratike Sali Berisha mbajti sot një deklaratë për shtyp ku foli mbi çështje të ndryshme, mes të cilave edhe për procesin e zgjedhjes së Avokatit të Popullit, institucion për të cilin PS ka bërë thirrje të jetë person jo politik.
Berisha tha se kandidatura e propozuar nga PD shkoi për votim në Kuvend, por kryeparlamentari Niko Peleshi nuk e kaloi për votim.
“Besim Ndregjoni është kryetar i unionit të të Përndjekurve Politikë. Kandidatura e tij, në rast se riktheheni tek seanca e parlamentit të shkuar, shkoi për votim, por Niko Peleshi, Zoti i ka dhënë mbiemrin që meriton…çfarë të them për të, thuhet se çfarë vjen prej Zotit është e mirëseardhur. U diskutua dhe i thamë ne që këtë kemi, hidhe në votim. Por nuk e hodhi në votim”- tha Berisha mes të tjerash. Versus.al
