Anija “Molive” me 2100 ton mbetje toksike e cila u rikthye ditë më parë në ujërat shqiptare, nuk është lejuar të ankorohet në Portin e Durrësit, nga ku u nis muaj më parë për të transportuar mbetjet në Tajlandën e largët.
Kjo ka qenë përgjigjia që Autoriteti Portual Durrës i ka dhënë prokurorisë së qarkut që pas sekuestrimit të 102 kontejnerëve, kërkoi monitorimin e tyre përgjatë 24 orëve të ditës me kamera, duke ndaluar hapjen. Porti i Durrësit nuk merr dot përsipër monitorimin e vazhdueshëm të anijes me mijëra ton mbetje që konsiderohen të rrezikshme.
Me të mbërritur në Portin e Durrësit, prokuroria e cila ka nisur një hetim për çështjen urdhëroi sekuestrimin e tyre deri në përcaktimin e rrezikshmërisë së mbetjeve të cilat janë transportuar nga anija turke për muaj me radhë derisa u rikthyen në vendin tonë pas publikimit të skandalit ku raportohej se në Tajlandë po mbërrinin mbetje toksike nga Shqipëria.
Shoqëria civile dhe përfaqësues të PD mbajtën një protestë në hyrjen e Portit të Durrësit një ditë para mbërritjes së anijes duke e akuzuar qeverinë për rrezikimin e shëndetit të qytetarëve. Ditën kur mbërriti anija 'Molive" kreu i Rrjetit të Bazelit tha për mediat se një ngarkesë e tillë mbetjesh toksike nuk duhej kurrsesi të ishte transportuar, ndërsa sipas tij zgjidhja është dërgimi i tyre në një landfill në një vend t1% Evropës Perëndimore. Versus.al
