Tiranë- Një 52 vjeçar i identifikuar si Jakup Shahu, është arrestuar sot (23 maj) nga policia e Tiranës pasi ka plagosur me thikë në gjoks dhe në qafë bashkëshorten e tij 46 vjeçare, Edlira Shahun për shkak të xhelozisë.
Gjashtë muaj më parë, Jakup Shahu ishte arrestuar nga policia pas denoncimit nga bashkëshortja e tij për dhunë, por u lirua pas vetëm 3 ditëve në qeli.
Ndërsa detaje të tjera kanë dalë në pah nga e shkuara e tij e errët. Në vitin 2011, Shahu u dënua me 13 vite burg për vrasjen e Arjan Mejdanit, me gruan e së të cilit, 52 vjeçari dyshohet se kishte lidhje jashtëmartesore asokohe.
Fillimisht ngjarja nisi si një sherr mes gruas së autorit dhe gruas së viktimës për motive xhelozie dhe përshkallëzoi me përdorimin e armëve të zjarrit duke sjellë vdekjen e Arjan Mejdanit.
Aktualisht, Jakup Shahu po mbahet në qelinë e paraburgimit, ndërsa bashkëshortja e tij po merr ndihmën e nevojshme mjekësore.
