Plot 12 persona kanë dorëzuar aplikimet e tyre në garën e hapur për postin e kreut të përgjithshëm të Policisë së Shtetit. Afati i fundit i aplikimeve është ditën e nesërme më 18 shtator, ndërsa deri më tani pjesë e aplikantëve janë edhe 2 ish-drejtorë të përgjithshëm si Shemsi Prençi dhe Ardian Çipa.
Kandidatët për postin e drejtorit të Përgjithshëm:
Ardian Cipa
Ilir Proda
Idajet Faskaj
Gentjan Shehaj
Edmond Sulaj
Skënder Hita
Shemsi Prençi
Pëllumb Seferi
Sam Rasha
Lutfi Minxhozi
N. Nallbati
Adriatik Tafçiu
Altin Mema
Emri i Edmond Sulajt i cili aktualisht mban postin e drejtorit të policisë vendore të Shkodrës, u përmend nga kreu i grupit parlamentar të PD-së Gazment Bardhi i cili tha se kishte një përgjim ku përmendej emri i tij nga një anëtar i grupit kriminal në Shkodër teksa e konsideronte si të nevojshëm në krye të institucionit.
Me ndryshimet në ligjin për Policinë e Shtetit, drejtorët e përgjithshëm nuk emërohen më nga kryeministri apo ministri i Brendshëm por zgjidhen nga një komision i posaçëm që vlerëson pastërtinë e figurës së tyre dhe kriteret që duhet të përmbushin për të qenë në krye të policisë.
Kandidatët që konkurojnë për postin e drejtorit të Policisë së Shtetit duhet të plotësojnë edhe disa kritere, si:
Grada e rolit të mesëm drejtues, të ketë shtetësi shqiptare; të mos ketë qenë i dënuar për kryerjen e një vepre penale, me vendim gjyqësor të formës së prerë; të mos ketë marrë masat disiplinore brenda 5 vjetëve të fundit, të jetë në kushte shëndetësore që e lejojnë të kryejë detyrën përkatëse, si dhe të mos ketë konflikt interesi në ushtrimin e detyrës, në përputhje me legjislacionin për konfliktin e interesit. Versus.al
