Deputeti i Partisë Demokratike, Bledion Nallbati, është paraqitur mëngjesin e sotëm në Prokurorinë e Posaçme (SPAK). Ai është shfaqur i buzëqeshur para gazetarëve, ndërsa ende nuk dihet arsyeja përse është thirrur në institucionin e posaçëm.
Dyshohet të jetë diçka në lidhje me zgjedhjet, pasi Nallbati po merret në pyetje nga prokurori Vladimir Mara i cili ka drejtuar taskforcën e ngritur në qarkun e Korçës për zgjedhjet parlamentare të 11 majit, 2025. Nallbati dhe vëllai i tij u përfshinë në një sherr me një shofer kamioni ditë para zgjedhjeve.
Kjo është hera e dytë që Nallbati paraqitet në SPAK, pasi në nëntor të 2023-it u thirr për incidentin me deputetin e PS, Vullnet Sinaj me të cilin pati edhe përleshje fizike gjatë një seance plenare në Kuvend. Versus.al
