Eksperti i IT-së, Besmir Semanaj vazhdon të publikojë të dhëna në lidhje me pajisjen, DPI e cila së fundmi është instaluar dhe në vendin tonë.
Në llogarinë e tij në Facebook, Semanaj ka publikuar një kërkesë të Organizatës për të Drejtat Digjitale Evropiane (EDRi), së bashku me 45 OJQ, akademikë dhe kompani nga 15 vende të paraqitur para Komisionit Europian në Bruksel, më 15 maj 2019.
Në kërkesë shkruhej për shqetësimin në rritje të përdorimit të teknologjisë Deep Packet Inspection (DPI) nga ofruesit e shërbimeve të aksesit në internet (IAS), për nevojat e tyre për menaxhim trafike.
EDRi shkruan në kërkesën e saj se DPI është një teknologji që ekzaminon paketat e të dhënave që transmetohen në një rrjet të caktuar përtej asaj që do të ishte e nevojshme për ofrimin e IAS duke parë përmbajtjen specifike nga pjesa e ngarkesës së transmetimit të përcaktuar nga përdoruesi.
Ofruesit e IAS shkruhet në kërkesë po përdorin gjithnjë e më shumë teknologjinë DPI për qëllime të menaxhimit të trafikut dhe çmimeve të diferencuara të aplikacioneve ose shërbimeve specifike (p.sh. vlerësimi zero) si pjesë e dizajnit të produktit të tyre.
DPI i lejon ofruesit e IAS të identifikojnë dhe dallojnë trafikun në rrjetet e tyre në mënyrë që të identifikojnë trafikun e aplikacioneve ose shërbimeve specifike për qëllime të tilla si faturimi i tyre në mënyrë të ndryshme duke i frenuar ose duke i dhënë përparësi ndaj trafikut tjetër, thuhet më tej në kërkesë.
''Më poshtë gjeni një kërkesë të paraqitur nga EDRi në Bruksel, më 15 maj 2019. Duhet të kemi parasysh se kjo është bërë bazuar në dyshimet se ISP-të po instalojnë teknologjinë DPI për nevojat e tyre per menaxhim trafike. Imagjinoni çfarë ndodh kur këtë instalim e kryen vetë shtei per cesnsurë (mbyllja e TikTok). Organizata për të Drejtat Digjitale Evropiane (EDRi), së bashku me 45 OJQ, akademikë dhe kompani nga 15 vende, i ka dërguar një letër të hapur politikëbërësve dhe rregullatorëve evropianë, duke i paralajmëruar për përdorimin e përhapur dhe potencialisht në rritje të teknologjisë së inspektimit të thellë të paketave (DPI) nga ofruesit e shërbimeve të internetit (ISP).
Ky postim është për të gjithë ata që po përpiqen ta minimizojnë këtë çështje dhe që po lobojnë për ta mbyllur.'' shkruan eksperti i IT-së. /Versus.al
