Një ngjarje e rëndë është regjistruar në zonën e Tales në Lezhë, ku persona ende të paidentifikuar dyshohet se kanë tentuar të hapin një varr.
Rasti është denoncuar në polici nga shtetasi F. Gj., 65 vjeç, i cili ka deklaruar se ka konstatuar dëmtim të varrit të djalit të tij.
Nga hetimet paraprake në terren, është vërejtur se është thyer pllaka e betonit e varrit, çka tregon për një ndërhyrje të qëllimshme me synim hapjen e tij, disa muaj pas varrimit.
Banorë të zonës dyshojnë se ngjarja mund të ketë pasur si qëllim grabitjen e sendeve të mundshme brenda varrit, megjithatë autorët nuk kanë arritur ta çojnë deri në fund veprimin, pasi arkivoli ka qenë i mbyllur hermetikisht.
Materialet janë referuar në Prokurori dhe vijojnë hetimet për zbardhjen e plotë të rrethanave dhe identifikimin e autorëve./Versus.al
