Një ngjarje e rëndë është shënuar në Itali, ku 70-vjeçari shqiptar, Luan Xaxhi ka goditur disa herë me thikë nusen e djalit të tij, duke i shkaktuar lëndime në kokë dhe pjesë të tjera të trupit.
I moshuari dhe 28-vjeçarja fillimisht janë përfshirë në një debat të ashpër, më pas 70-vjeçari ka marrë thikën në kuzhinë dhe ka e sulmuar.
Kanë qenë fqinjët ata, të cilët kanë dëgjuar britmat e të resë dhe kanë njoftuar policinë.
Sapo kanë mbërritur, efektivët italianë kanë vënë në pranga të moshuarin, të cilit në xhep iu gjet dhe bileta që kishte prerë për t’u kthyer në Shqipëri.
Mediat italiane bëjnë me dije se 28-vjeçarja ndodhet jashtë rrezikut për jetën, ndërsa Luan Xaxhi u arrestua për veprën penale të 'Vrasje e mbetur në tentativë'.
Zanafilla e mosmmarrëveshjes kishte qenë disa ditë më parë ku ishte e nevojshme edhe ndërhyrja e policisë për të parandaluar përshkallëzimin e situatës, për një çështje që vjehrri nuk pranonte të jepte miratimin, ndonëse nga djali i tij 28-vjeçarja e kishte marrë./ Versus.al
