EUROPOL ka zhvilluar një operacion kundër një rrjeti të madh të trafikut të makinave, qenieve njerëzore, veprave të kultit dhe antikeve, aktive gjithashtu edhe në Shqipëri. Në operacion u përfshinë autoritetet policore dhe gjyqësore shqiptare, franceze, gjermane, greke, italiane dhe Mbretëria e Bashkuar. Sipas policisë të paktën 35 persona u arrestuan në të gjithë këto shtete, u kryen qindra kontrolle dhe u sekuestruan 7 mijë objekte të sekuestruara me vlerë antike, mes tyre shumë monedha ari.
Dëmi i shkaktuar nga kjo organizatë kriminale arrin deri në 100 milionë euro. Në vendin tonë është kontrolluar një banesë nga 131 kontrolle në total në të gjithë Evropën dhe nuk ka konfirmim për arrestimet.
Operacioni u koordinua nga qendrat në Sofje dhe Eurojust, ndërsa hetimi vazhdon, pasi ky është një rrjet kompleks trafikimi antikitetesh, me shitje objektesh si brenda ashtu edhe jashtë Evropës.
Hetimet filluan në vitin 2020 pas bastisjes së një rezidence në Bullgari, ku policia zbuloi 7,000 objekte kulturore me vlerë të paçmuar historike dhe monetare.
Veprat e artit ishin kryesisht antikitete greko-romake me rëndësi të konsiderueshme historike.
Gjetje të tjera me objekte me vlerë të identifikuara nga Autoritetet gjatë fazës së fundit të operacionit, më 19 nëntor, Autoritetet vazhduan me:
– 131 kontrolle shtëpish, automjetesh dhe kasafortash (1 në Shqipëri, 120 në Bullgari, 3 në Francë, 3 në Gjermani, 4 në Greqi)
– Sekuestrime të mbi 3,000 objekteve, duke përfshirë monedha të lashta ari dhe argjendi dhe antikitete të tjera, me një vlerë të vlerësuar prej mbi 100 milionë eurosh, vepra arti, armë, dokumente, pajisje elektronike, mbi 50,000 euro në para të gatshme dhe ar.
Organizata kriminale financonte gërmime të paligjshme në Bullgari, Greqi dhe vende të tjera të Ballkanit, si dhe në Itali.
Shumica e antikiteteve nuk kishin asnjë dokument prejardhjeje ose kishin dokumente të dyshimta nga shtëpitë e ankandeve në Francë, Gjermani, Mbretërinë e Bashkuar dhe Shtetet e Bashkuara.
