Policia ka dhënë detaje nga plagosja në lagjen 'Kodra e Shtufit' në Gjirokastër. Në njoftimin e uniformave blu thuhet se 29 vjeccari me inicialet L.DH. i cili plagosi me thikë 21 vjeçarin është vënë në pranga.
Sa i përket gjendjes së të plagosurit, ajo paraqitet e rëndë, ndërsa i riu po merr ndihmën mjekësore në Spitalin e Traumës në kryeqytet.
“Në vijim të informacionit paraprak të dhënë mbrëmjen e djeshme, për ngjarjen e ndodhur në lagjen “Kodra e Shtufit”, ju informojmë se specialistët për Hetimin e Krimeve të Rënda në DVP Gjirokastër arrestuan në flagrancë për veprën penale “Plagosja e rëndë me dashje”, shtetasin L. Dh., 29 vjeç, banues në Gjirokastër, pasi gjatë një konflikti të çastit për motive të dobëta, ka goditur me mjet prerës (thikë), shtetasin L. H., 21 vjeç, banues në lagjen “Kodra e Shtufit”, i cili aktualisht ndodhet në spitalin e Traumës, Tiranë, në gjendje të rëndë shëndetësore. Në cilësinë e provës materiale u sekuestrua mjeti prerës (thikë).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, thuhet në njoftim./Versus.al
