Vlorë- Babai i 14 vjeçarit i cili u arrestua sot nga policia pasi iu gjet një pistoletë, ka folur për mediat duke sqaruar rrethanat e ngjarjes.
Ka qenë vetë babai i të miturit që e denoncoi rastin në polici pasi nuk i kishte besuar të birit i cili kishte pretenduar se arma ishte pistoletë lodër.
Ai deklaroi se djali i tij së bashku me shokët e tjerë e kishin gjetur armën e zjarrit në një objekt të pabanuar dhe më pas kishin bërë video duke i publikuar në rrjetin social TikTok.
-
E paprecedentë në Vlorë, 14 vjeçarit i gjendet pistoletë dhe 130 fishekë
13 Dhjetor, 10:32
“Pistoletën e kanë gjetur në një objekt të pabanuar trekatësh pranë shkollës. Kanë shkuar atje me disa shokë, kanë shkuar në mal e kanë bërë video për TikTok dhe më pas e kanë fshehur. Mendohet se atje mund të ketë edhe municione të tjera. Djali nuk ka pasur asnjëherë probleme. Djali më tregoi një video dhe më tha se është pistoletë lodër”- u shpreh babai i të miturit.
Deri më tani i mituri është i vetmi i shoqëruar në komisariatin e policisë, ndërsa po kryhen veprime për të identifikuar persona të tjerë të përfshirë. Arma u gjet e fshehur në një motor. Versus.al
