Struktura e Posaçme Kundër Korrupsionit dhe Krimit të Organizuar (SPAK) ka zhvilluar një operacion të gjerë kundër një grupi të dyshuar të strukturuar kriminal, i përfshirë në trafik droge dhe pastrim parash.
Në kuadër të këtij aksioni, janë shpallur në kërkim Artur Koçeku dhe vëllai i tij Abedin Koçeku, të dyshuar si pjesë e këtij rrjeti kriminal. Sipas burimeve hetimore, ata dyshohet se kanë qenë të vendosur prej vitesh jashtë vendit, në Dubai.
Në të njëjtin operacion është arrestuar Orgest Bircaj, pronar i kompanisë “Top Seven”, e cila zotëron një numër të madh automjetesh luksoze.
Gjithashtu, janë shpallur në kërkim Erion Rama dhe vëllai i tij, të cilët dyshohet se kanë lidhje familjare me një personazh të njohur të botës së krimit, i ekzekutuar në vitin 2003 në Tiranë.
Ndërkohë, ndaj Edmond Jaupit është caktuar masa e sigurisë “arrest në shtëpi”, si pjesë e të njëjtit hetim.
SPAK ka bërë me dije se hetimet vijojnë dhe se po punohet për dokumentimin e plotë të rolit të secilit prej personave të përfshirë në këtë dosje të strukturuar kriminale.
Sipas të dhënave paraprake, në listën e të dyshuarve janë:
Artur Shehu
Ilir Shtufi
Orest Sota
Orgert Bircaj
Edmond Jaupi
Artur Koceku
Abedin Koceku
Erion Rama
Adi Rama
Dritan Aga
Baftri Troci
Gëzim Islami
