Durrës- Një ngjarje e rëndë ka ndodhur mesditën e sotme në zonën e njohur si “Currilat” lagjia nr.1 e qytetit ku një person ka plagosur me thikë një polic.
Mësohet se kanë qenë qytetarët ata të cilët kanë denoncuar se një person lëvizte me thikë në rrugët e qytetit. Në momentin kur efektivi i “Shqiponjave” i është afruar 38 vjeçarit me iniciale F.C që mbante një thikë me vete, ky i fundit ka nxjerrë mjetin prerës nga çanta dhe është larguar me vrap.
Efektivët e kanë ndjekur nëpër rrugica qorre dhe në momentin kur kanë tentuar ta neutralizojnë, agresosi i cili dyshohet se vuante nga probleme të shëndetit mendor, ka goditur me thikë efektivin e “Shqiponjave” E.C duke e lënë të plagosur.
Për pasojë ky i fundit është dërguar në spital ku ndodhet jashtë rrezikut për jetën, ndërsa agresori është arrestuar. Versus.al
