Policia Rrugore ka rritur kontrollet duke përdorur automjetin inteligjent “Scoud Speed” për të kapur shkelësit e rregullave të qarkullimit rrugor.
Këtë herë, vëmendja është përqendruar në ndëshkimin e makinave të cilat ndalojnë në vende ku nuk lejohet pushimi i mjetit duke bllokuar kështu gjithë qarkullimin normal dhe duke krijuar trafik në rrugët e Tiranës.
Mjeti inteligjent ka gjetur një sërë shkeljesh, të cilat në këtë video kanë qenë më së shumti qëndrim i makinave në vende të palejuara duke bllokuar trafikun. Gjithashtu nëpërmjet këtij mjeti, makinave të cilat nuk kanë paguar gjobat u skanohet targa dhe për to nis kërkimi automatik për të parë detyrimet e pashlyera.
Vetëm për përdorimin e telefonave, parakalimin e gabuar dhe për qëndrimin e makinave në vende të palejuara, janë gjobitur 6689 shoferë gjatë kësaj jave që lamë pas. Versus.al
