Nuk kanë munguar përplasjet fizike mes policisë dhe një grupi protestuesish përfaqësues të banorëve të Krujës dhe Fushë Krujës, të cilët protestuan pasditen së mërkurës, duke bllokuar aksin Thumanë-Kashar. Sipas tyre, banorëve të kësaj zone ju janë bllokuar hyrjet dhe daljet me Tiranën. Përveç përplasjeve fizike me forcat e rendit, nga këto të fundit u hodh dhe spraj lotsjellës në drejtim të protestuesve.
"Kanë vjedhur miliarda. Duan t’i japin lekë një individi e penalizojnë Krujën. Penalizohen 100 mijë banorë nga Kamza deri në Vlorë. Kaq shumë i duhet këtij Bashkim Ulës kjo rrugë? Nuk e kuptoj përse po e bëjnë" - thanë banorët.
Një numër i madh i forcave të policisë tentuan që të ndalonin protestuesit që të bllokonin rrugën dhe të lejojnë makinat të kalojnë. Kjo kërkesë e policisë solli dhe përplasjet fizike si dhe hedhjen e gazit lotsjellës.
“Turp të hidhet gaz, kur në kemi ardhur në protestë më fëmijët”, - tha për mediat njëri nga protestuesit, të cilët nuk e fshehen se në mbështetje të tyre kishin kërkuar dhe përfaqësues lokal të Partisë Demokratike.
Forcat e sigurisë arritën të largojnë nga rruga protestuesit dhe të hapin rrugën për qarkullimin e automjeteve në këtë aks.
Mësohet se protestuesve ju është vënë një gjobë 100 mijë lekë gjobë.
