Fier- Gjykata ka vendosur shtrim të detyruar në spitalin psikiatrik për 42 vjeçarin Altjon Sulejmanaj i cili u arrestua dy ditë më parë pasi tentoi të vriste prindërit e tij të moshuar, Shaqir dhe Selfixhe Sulejmanaj.
Fqinjët deklaruan për mediat e djali i të moshuarve kishte probleme mendore.
Ai i vuri flakën apartamentit në katin e tretë të pallatit në lagjen “15 tetori” ku jetonte me dy prindërit e moshuar. Ndaj tij rëndojnë akuza për 3 vepra penale: “Vrasje për shkak të marrëdhënieve familjare,” mbetur në tentativë, “Dhuna në familje,” dhe “Shkatërrimi i pronës me zjarr.”
Kjo nuk është hera e parë që autori bënte vepra të tilla pasi dy vite më herët, ai kishte tentuar të digjte një lokal në lagjen ku banonte, duke shkaktuar aty dëme të shumta materiale. Ndërsa gjithashtu ishte raportuar në polici për dhunimin e prindërve të tij. Versus.al
