Dibër- Pas vdekjes së minatorit Zini Murati ditën e djeshme në Bulqizë si pasojë e shembjes së galerisë “Çupi Group”, policia ka nisur hetimet ndaj 2 përgjegjësve të teknikës dhe brigadierit.
“Komisariati i Policisë Bulqizë referoi materialet në Prokurori dhe nisi procedimi penal për shtetasit H.D., 64 vjeç, me detyrë drejtues teknik; A.A., 69 vjeç, me detyrë përgjegjës teknik, të dy banues në Tiranë, dhe M.S., 53 vjeç, me detyrë. brigadier, banues në Bulqizë”- thuhet në njoftimin e policisë.
Sipas hetimeve, shkelja e rregullave të mbrojtjes në punë është bërë shkak i shembjes së një masivi gurësh që ka goditur të ndjerin Zini Murati.
Për ngjarjen ka patur një reagim edhe nga Konfederata e Sindikatave të Shqipërisë e cila duke sjellë në vëmendje shifrat alarmante të punëtorëve që kanë humbur jetën në punë, tha se shkak është bërë shkelja e kushteve teknike për mbrojtjen. Versus.al
