Këngëtarja e njohur shkodrane, Eli Malaj ka qenë e ftuar në një emision televiziv ku mori edhe një mesazh nga aktori Bes Kallaku i cili shprehu konsideratë për të.
“Je yll bote! Je më e mira në botë! Të hëngsha zemrën!”, tha Besi në videomesazhin e dërguar.
Teksa foli me bashkëpunimin që pati me Bes Kallakun të titulluar “Mosmirënjohja” që shumë prej fansave e kanë cilësuar si dedikim për Xhensila Myrtezajn pas krisjes së marrëdhënies së tyre, këngëtarja tha se kushdo që të ishte në vendin e saj do të kishte dalë një produkt po aq i mirë.
Duke e komentuar si një moment të vështirë për Besin, Eli u shpreh se situata të tilla u ndodhin shumë personave.
“Unë mendoj që ishte situata e tillë që deshi, s’deshi, jo që isha unë, por kushdo të ishte këngëtar në atë pjesë, do të ishte kënduar dhe do të ishte pëlqyer, por qëllova unë dhe mbase janë bërë të gjitha elementët e mirë bashkë. Unë mendoj që kushdo të ishte, edhe po mos të isha unë, ishte momenti i keq i Besit, por si Besi janë shumë, si Besi mund të isha unë, por qe momenti i keq, por i doli ndoshta në faqe a nuk e di, diçka e tillë”- tha Eli./ Versus.al
