Kryeministri australian Anthony Albanese u fishkëllye nga një turmë e zemëruar në plazhin e famshëm Bondi të dielën për të nderuar viktimat e një sulmi me armë zjarri një javë më parë në një festival hebraik Hanukkah.
Vendi përkujtoi të dielën 15 personat e vrarë dhe dhjetëra të plagosur në sulmin nga dy persona të armatosur. Mes masave të rrepta sigurie dhe me flamujt në gjysmështizë në ndërtesat qeveritare, u mbajt një minutë heshtje në orën 6:47 të mëngjesit sipas kohës lokale (09:47 GMT), në momentin që filloi sulmi.
Rrjetet televizive dhe radiofonike gjithashtu mbajtën një minutë heshtje.
Dhjetëra mijëra njerëz, përfshirë Kryeministrin Albanese dhe udhëheqës të tjerë politikë, morën pjesë në shërbimin përkujtimor, i cili u ndoq nga një prani e madhe policore, përfshirë snajperë në çati dhe anije policie në det.
Prime Minister Anthony Albanese booed at official Bondi memorial.@MenachemV
— Drew Pavlou ???????????????????????????????? (@DrewPavlou) December 21, 2025
pic.twitter.com/3oyZdDXvIS
Turma fishkëllye Albanese-n me mbërritjen e tij dhe më vonë kur folësi përmendi emrin e tij gjatë eventit. Ai u ul në rreshtin e parë duke mbajtur një kippah, kapelen tradicionale hebraike.
Albanese, i cili është përballur me kritika për mosbërjen e mjaftueshme për të frenuar rritjen e antisemitizmit që nga fillimi i luftës në Gaza, nuk ishte planifikuar të fliste në këtë aktivitet.
“E kemi humbur pafajësinë tonë… java e kaluar na e mori pafajësinë”, tha David Osip , president i Këshillit të Deputetëve Hebraikë të Uellsit të Ri Jugor, në një fjalim që hapi ngjarjet e Bondit.
“Ashtu si bari këtu në Bondi u njollos me gjak, ashtu është njollosur edhe kombi ynë. Kemi ardhur në një vend të errët. Por, miqtë e mi, Hanukkah na mëson se drita mund të ndriçojë edhe vendet më të errëta. Një akt i thjeshtë guximi, një flakë e vetme shprese, mund të na japë drejtim dhe të tregojë rrugën përpara.”
I pranishëm në ceremoni ishte edhe babai i Ahmed al-Ahmed , “heroit të Bondit” i cili luftoi kundër njërit prej sulmuesve për t’i marrë armën.
WATCH: Thousands gathered on Sunday for a vigil honoring the 15 victims of the Bondi Beach terrorist attack that targeted the Jewish community, as Australia marks a national day of reflection. pic.twitter.com/HdSfnBdSwb
— Fox News (@FoxNews) December 21, 2025
Autoritetet u kanë kërkuar australianëve të ndezin një qiri në shtëpitë e tyre sonte, në ditën e tetë dhe të fundit të Festivalit Hebraik të Dritave.
Në këtë aktivitet mori pjesë edhe 14-vjeçarja e mbijetuar Chaya Dunton , e cila tha: "Ne po bëhemi më të fortë si komb. Ne po rritemi. Ndonjëherë rritja dhemb... jeta do të vazhdojë dhe pse të mos e bëjmë më të mirën prej saj".
Kryeministri i Uellsit të Ri Jugor Chris Means , i cili u prit me duartrokitje në këmbë në ceremoni, tha se sulmi ishte një përpjekje për të margjinalizuar, përçarë dhe frikësuar. VERSUS
