Një person i armatosur që hiqej si oficer policie u arrestua nga agjentët e Shërbimit Sekret në stadiumin e Arizonës, ku do të mbahet funerali i Charlie Kirk të dielën.
Burri u arrestua në stadiumin State Farm të premten, sipas Fox News.
“Shërbimi Sekret i SHBA-së , në bashkëpunim me forcat lokale të rendit në Glendale, Arizona, po heton një individ i cili u vu re duke shfaqur sjellje të dyshimtë” në stadium, tha zëdhënësi i agjencisë Anthony Guglielmi.
“Personi u kontaktua nga Shërbimi Sekret dhe deklaroi gjatë takimit se ishte anëtar i forcave të rendit dhe se ishte i armatosur. Individi nuk është anëtar i forcave të autorizuara të rendit që punojnë në këtë ngjarje dhe aktualisht është në paraburgim”, tha Guglielmi.
Identiteti i individit nuk është bërë i ditur. Shërbimi përkujtimor i Kirk pritet të ketë më shumë se 100.000 pjesëmarrë, përfshirë personalitete VIP si Donald Trump dhe J.D. Vance.
