Zbulohet shkaku i vdekjes së Papa Françeskut
Sipas një deklarate zyrtare të Vatikanit, Papa Françesku ka ndërruar jetë si pasojë e një goditjeje në tru. Kjo deklaratë u publikua rreth 12 orë pas lajmit të parë mbi ndarjen nga jeta të Atit të Shenjtë.
Gjendja shëndetësore e Papës ishte përkeqësuar ndjeshëm vitet e fundit, duke qenë se ai vuante nga probleme kronike me mushkëritë. Më 14 shkurt, Papa u shtrua me urgjencë në spitalin “Gemelli” në Romë, për shkak të një krize të rëndë respiratore që më pas u konstatua si pneumoni e dyfishtë. Ai qëndroi për disa ditë në terapi intensive, dhe ndonëse gjendja e tij u stabilizua përkohësisht, komplikacionet nuk u shmangën.
Ndërsa bota mban zi për humbjen e kreut të Kishës Katolike, besimtarët dhe liderët botërorë vijojnë të shprehin nderimin dhe mirënjohjen për jetën dhe veprat e tij. /Versus.al/
