Një ngjarje unike e reshjeve është gati të shpaloset në shkretëtirën e Saharasë, e njohur ndryshe si vendi më i thatë në Tokë. Sasia e reshjeve mund të mos duket e madhe sipas standardeve normale, por një pjesë e madhe e Saharasë do të ketë mbi 500% të reshjeve normale mujore në gusht dhe shtator.
Nuk ndodh shumë shpesh që shkretëtira e Saharasë përjeton këto ngjarje reshjesh. Ato janë shumë të rralla, mesatarisht më pak se një herë në dekadë, por zakonisht janë një shenjë se diçka po ndryshon ndoshta në sistemin e motit të Tokës, duke treguar një gjendje të pazakontë të Atmosferës, sipas Severe Weather Europe.
Saharaja është vendi më i thatë në Tokë, sepse ka pak ose aspak reshje vjetore. Është shkretëtira më e madhe dhe më e nxehtë në botë, që shtrihet nga Oqeani Atlantik në perëndim deri në Detin e Kuq në lindje. Ajo mbulon mbi 9.2 milion kilometra katrorë
Vetëm disa mijëra vjet më pare shkretëtira e Saharasë, ishte një rajon i gjelbër me liqene, lumenj dhe bimësi të harlisur.
Më poshtë është një imazh që krahason atë që shkencëtarët besojnë se Afrika veriore dukej disa mijëra vjet më parë. Ishte një zonë e gjelbër e mbushur me jetë, por ndryshimet e motit e kanë shndërruar atë në rajonin e thatë dhe të nxehtë që njohim sot.
Por ndryshimet në orbitën e Tokës shkaktuan ndryshime në modelet e motit të botës. Kjo e transformoi papritur rajonin e gjelbër në një nga tokat më të thata në Tokë.
Më poshtë është parashikimi më i fundit i modelit GFS për reshjet totale në 16 ditët e ardhshme. Ajo që shihni është se reshjet mbulojnë një pjesë të madhe të shkretëtirës së Saharasë. Sasitë mund të mos duken të larta, por nëse marrim parasysh shumën totale vjetore, shumë rajone do të kenë shira me vlerë disa vjeçare në pak ditë.
