Katër persona të arrestuar pas incidenteve që ndodhën të enjten mbrëma gjatë koncertit të Orkestrës Filarmonike të Izraelit në Filarmoninë e Parisit janë vënë nën hetim nga një gjyqtar hetues të dielën, ka bërë të ditur Prokuroria e Parisit.
Sipas autoriteteve franceze, tre burra dhe një grua po përballen me disa akuza të rënda, përfshirë: Dëmtim të pronës së tjetrit me mjete të rrezikshme për jetën, vënie në rrezik të personave të tjerë, mbajtje pa arsye të ligjshme dhe në kundërshtim me urdhrin prefektural të lëndëve djegëse, organizim të një tubimi publik pa leje, refuzim për t’iu nënshtruar procedurave të identifikimit policor, si dhe ushtrim dhune me përdorim ose kërcënim arme.
Ngjarja ka ndodhur gjatë një koncerti të zhvilluar në Filarmoninë e Parisit, ku protestues të shumtë kishin reaguar ndaj pranisë së orkestrës izraelite, duke shkaktuar tensione dhe përplasje me forcat e sigurisë.
Gjyqtari hetues po shqyrton të gjitha provat dhe akuzat, ndërsa hetimet vijojnë për të përcaktuar përgjegjësitë individuale të secilit prej të dyshuarve.
