Kombëtarja e Polonisë fitoi ndaj komëtares shqiptare me rezultatin 2-1 në gjysmëfinalen e play-off-it për Botërorin 2026, duke hedhur një hap të madh drejt kualifikimit.
Ndeshja e zhvilluar në PGE Narodowy nisi më mirë për Shqipërinë, që e mbylli pjesën e parë në avantazh 1-0, duke qenë pranë surprizës përballë vendasve.
Megjithatë, në pjesën e dytë gjithçka ndryshoi.
Fillimisht ishte Robert Lewandowski që riktheu baraspeshën, ndërsa pak më vonë Piotr Zieliński realizoi golin e fitores me një goditje spektakolare.
Pas vërshëllimës përfundimtare, vëmendjen nuk e mori vetëm rezultati, por edhe gjesti i kapitenit polak.
Lewandowski iu afrua lojtarëve shqiptarë për t’i ngushëlluar pas humbjes, duke treguar fair-play dhe respekt për kundërshtarin.
Vetëm më pas ai iu bashkua shokëve të skuadrës për të festuar arritjen në finalen e play-off-it.
Ky moment u shpërnda me shpejtësi në rrjetet sociale, ku shumë tifozë vlerësuan sjelljen dhe klasën e sulmuesit polak./Versus.al
Robert Lewandowski dziękuję kolegom i pociesza Albańczyków. Kapitan ???????????????? pic.twitter.com/9xZrBWGh58
— Dominik Wardzichowski (@dwardzich22) March 26, 2026
