Presidenti i Partisë së Lirisë, Ilir Meta vendosi që në zgjedhjet e 11 majit të garojë në listë të hapur në qarkun e Tiranës, si pjesë e koalicionit “Partia Demokratike-Aleanca për Shqipërinë Madhështore”.
Djali i tij Besar Metaj ka vendosur të bëjë fushatë për babanë e tij, i cili ndodhet prej tetorit të vitit të kaluar ndodhet në burg, me urdhër të Prokurorisë së Posaçme kundër Korrupsionit (SPAK).
Ka qenë Monika Kryemadhi, ish-bashkëshortja e kreut të PL-së që, ka postuar një foto të djalit të tyre me foton e Ilir Metës.
''Marrja e përgjegjësive është jo vetëm virtyt, por edhe burrëri. Sot ti ke treguar edhe një herë që je rritur. Bravo Besar Metaj jam krenare për ty. Voto Ilir Metaj!' shkruan Kryemadhi krahas fotos së publikuar.
Më herët Kryemadhi është shprehur se do të mbështesë ish-bashkëshortin e saj, Ilir Meta në 11 maj.
Megjithëse nuk do të jetë pjesë e listës së kandidatëve të Partisë së Lirisë, ajo u ka bërë thirrje mbështetësve të saj të votojnë Presidentin e Partisë së Lirisë./Versus.al
View this post on Instagram
